I siori

by Attilio Turco

3 I siori Sonetti Veronesi Sonetti Veronesi/Parte IV - El mondo Sconforto! Basta biastème Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

I siori

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Sconforto!

Edission e fonte ▼

Basta biastème  →

I SIORI!

I siori che fa mal, no j’è quei siori,
     Che se contenta de l’onesta entrada,
     E i saluda i pitochi par la strada;
     Senza vergogna de parlar con lori.

I siori che fa mal, j’è la cavrada¹
     Che tol in giro lacrime e dolori
     E, in guanti bianchi, con siochesse e fiori,
     I passa malamente la giornada!

I siori che fa mal j’è quei ludrassi
     Che i porta tuti i giorni le palanche
     In te le casse forte de le banche,

Par far meio el mestier dei michelassi!...²
     I siori che fa mal, j’è tuti quei,
     Che l’è un pecà che Dio, ghe manda s-chei!

---

Note

1. cavrada ― schiera;
2. michelassi ― fanulloni.