Sconforto!
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← El saldo | Edission e fonte ▼ | I siori → |
SCONFORTO!
Ogni giorno che passa e più la pesa,
'Sta vita sempre piena de pensieri!...
Servido el sior da sento camarieri;
Tratà 'l pitoco, come un can in cesa!
Tuti quanti vol 'verghe la partesa1
D’essar maestri e de saver mestieri
E i sèmena discordie e dispiasseri,
'Na roba, che la par ’na mal intesa!
La justizia ridota a ’na miseria;
La morale butada in t’un canton;
Ormai l’è proprio ’na fassenda seria,
Se vede che no gh’è più relijon...
Mi credo che sia meio, in fondo in fondo
Tor su le robe e andar.... a l’altro mondo!
- Note
- ↑ partesa ― pretesa.