Basta biastème

by Attilio Turco

3 Basta biastème Sonetti Veronesi Sonetti Veronesi/Parte IV - El mondo I siori Sonetti Veronesi/Parte V - Trento e Trieste Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

Basta biastème

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  I siori

Edission e fonte ▼

Parte V - Trento e Trieste  →

BASTA BIASTÈME!

Basta biastème, fioi, basta biastème!¹
     Contro 'sto vissio stupido e balordo,
     Metèmose dal-bon tuti dacordo:
     Femo ’na lega tuti quanti insieme!

E che gnessuni voia far el sordo!
     Se volemo essar grandi, se ne preme,
     A quei che ne rispeta e che ne teme
     Qualche volta lassarghe un bon recordo,

No stemo biastemar, che i la fenissa,
     De dirne gente sensa educassion.
     Adesso che l’ltalia la se indrissa,

Volèmo che la sia ’na gran nassion;
     Volèmo che gnessun ghe diga su...
     E la biastèma no sentirla più!

---

Note

1. biastème ― bestemmie.