I Sorbeti (1817)

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Anton Maria Lamberti

I Sorbeti

XVIII secolo

Edission original:	Collezione delle migliori opere scritte in dialetto veneziano, Volume secondo: Poesie di Antonio Lamberti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 2.djvu

Edission e fonte ▼

Altra edizion: I sorbeti (1845)

[p. 16 modifica]

I SORBETI

Dimandando a un cortesan,
     Che ogni cossa ga per man,
     Che nei afari de sto mondo
     El procura andar al fondo,
     5La rason perchè l'Amor
     Tante forme el sapia tor;
     Ma in un modo, che capir
     Nol se pol, nè definir,
     Sento a dirme: Vegnì qua,
     10Al Cafè de la Realtà,
     Un sorbeto beverè
     E l'Amor conoscerè. —
     — Vado, el dise: Cossa ghe? —
     — I risponde: — Framboè,
     15Cedro, Ribes, Maraschin,
     Moscatela, Canelin,
     De la Vissola, del Persego,
     Del Farsido, de la Fragola: —

[p. 17 modifica]

     — Basta; Fragola, disemo,
     20E bevemo;
     E bevendo el dise lu:
     Caro vu,
     Sti sorbeti che xe stai
     Dal regazzo nominai,
     25Xeli ogn'uno diferente? —
     — Che dimanda? no i se sente? —
     Sì, ma el corpo, o per dir megio,
     Quela cossa che i sostenta,
     Che deventa
     30La so essenza, in conclusion,
     Cossa xela? — L'è el Limon. —
     — Ben; l'Amor xe vanità,
     Xe interesse, xe pietà,
     L'è amicizia, platonismo,
     35Tenerezza, magnetismo;
     Ma l'essenza, in conclusion,
     Xela altro che limon? —
     Son restà come un minchion.