Pagina:Collezione delle migliori opere scritte in dialetto veneziano 2.djvu/17

     — Basta; Fragola, disemo,
     20E bevemo;
     E bevendo el dise lu:
     Caro vu,
     Sti sorbeti che xe stai
     Dal regazzo nominai,
     25Xeli ogn'uno diferente? —
     — Che dimanda? no i se sente? —
     Sì, ma el corpo, o per dir megio,
     Quela cossa che i sostenta,
     Che deventa
     30La so essenza, in conclusion,
     Cossa xela? — L'è el Limon. —
     — Ben; l'Amor xe vanità,
     Xe interesse, xe pietà,
     L'è amicizia, platonismo,
     35Tenerezza, magnetismo;
     Ma l'essenza, in conclusion,
     Xela altro che limon? —
     Son restà come un minchion.