Grami Fiori! me fè proprio pecà

by Gian Giacomo Mazzolà

3 XVI I cavei de Nina XV XVII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XVI

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XV

Edission e fonte ▼

XVII  →

XVI

Grami Fiori! me fè proprio pecà
     A vederve ridenti star cussì
     In mezzo a quei Cavei, Cavei che a mi
     4L'anema e 'l cuor deboto i m'à brusà.

Ah! scampè, Fiori, scampè via de là,
     Se volè aver de vita almanco un dì,
     Se no, là ve arsirè, ve incenerì,
     8Che là gh'è 'l fogo, e mi lo go provà.

Piutosto el sen a farghe belo andè,
     Che ve prometo e zuro, che là mo
     11E seguri e freschissimi starè;

Se pur dal tropo giazzo che ghe xe
     Sconto in quel cuor, a pezo rischio po,
     14De restar impetrii no ve catè.