Gnente gnente che a quela Drezza fisso

by Gian Giacomo Mazzolà

3 IX I cavei de Nina VIII X Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

IX

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  VIII

Edission e fonte ▼

X  →

IX

Gnente gnente che a quela Drezza fisso
     Col pensier staga (che lontan lo tegno
     Più che mai posso) tanto me ghe impegno,
     4E tanto me ghe cazzo e me investisso,

Che subito me perdo e intenerisso;
     De un milion de colori in bota vegno,
     Se torna a spalancar senza retegno
     8La me gran piaga, e spasimo e sbazisso.

Ti ti 'l pol dir, Amor, che ti ga el vizio
     Drio al cesto de volerme sempre star
     11Anca co' vago a far fin quel servizio;

Dilo ti, quante volte ti m'à visto,
     Pensando a quela Drezza, sospirar,
     14Le lagreme cascarme e vegner tristo.