Giornale dell'assedio di Costantinopoli 1453/02

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 3 modifica]E a dì 10 novembrio azonse qua le do galie grosse che vegnia da Cafa, e quando le ditte galie fo per me' el castelo del turco, vignando a vela, turchi comenzò a gridar: cala capetanio per to mejo; e pur le galìe vignia ben a vela, e pur turchi si dixea: cala capetanio. El capetanio in quela fiada si cala fino a cavo de spaetta, e cussì fexe la sua conserva, e pur i ditti Turchi dixea: cala fino a basso. Come Turchi vede, che i no volea calar, i commenzò a desserar le sue bumbarde, e molti scopeti, e assaissime freze in modo che i vastava assai homeni. — Come el capetanio vede a vastarse tanti homeni delibera de calar fina a basso, e cusì fexe la sua conserva; calado che i ave, Turchi zessa de bumbardar, e in quello la concurentia menava le galìe in vre Costantinopoli; e come le galìe ave passà el castelo, e che Turchi non i podea [p. 4 modifica]più i azonzer con bombarda, subito el capetanio gindò1 la vela, e cussì fè la sua conserva, che jera ser Jeruolemo Morexini, fo de ser Bernardo, e azonse con salvamento a Costantinopoli, e tutti avessemo gran consolation de l'azonzer de queste do galìe, fo dì 10 novembrio.



Note a cura de Enrico Cornet (1856)
  1. issò la vela.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Giornale_dell%27assedio_di_Costantinopoli_1453/02&oldid=44075"