Frà le diverse sette ereticali

by Giorgio Baffo

3 Frà le diverse sette ereticali Raccolta universale delle opere di Giorgio Baffo Tomo IV Dopo, che Dìo colla so gran potenza Sento, che l'opinion d'un gran soggetto Giorgio Baffo 1789 XVIII Poesie

Indice:Raccolta universale delle opere di Giorgio Baffo 4.djvu

Giorgio Baffo ―  Raccolta universale delle opere di Giorgio Baffo  ―  Tomo IV

Frà le diverse sette ereticali

1789

Edission original:	Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789
Fonte:	Indice:Raccolta universale delle opere di Giorgio Baffo 4.djvu

←  Dopo, che Dìo colla so gran potenza

Edission e fonte ▼

Sento, che l'opinion d'un gran soggetto  →

SORA LA CREAZION DELLA MONA.

SONETTO

Frà le diverse sette ereticali
    Una se ghe n'hà dà de sta natura,
    Che per far della Donna la figura
    4S'abbia impegnà de Dei sommi immortali.

Un xe quel Dìo, che causa tutt'i mali,
    L'altro el Dìo bon, ch'a tutti'l ben procura,
    E i gà tiolto daccordo la misura,
    8E diviso l'affar in parti eguali.

Dei do Dei, chi abbia fatto, son curioso,
    Per formar el bel corpo della Dona
    11La parte in suso, e chi la parte in zoso.

Ch'abbia quel Dìo, che fà ogni cosa bona,
    Fatta la parte in zò, no son dubbioso,
    14Perchè 'l meggio de tutto xe la Mona.