Mi siòlo
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← Fora un soneto! | Edission e fonte ▼ | Le invensioni → |
MI SIOLO
Mi par la strada siòlo1 come un puto,2
Parchè del mondo ghe ne son stracoto;
Parenti, amissi, ho rinunsiado a tuto
E, quei che me vol mal, ghe j’ò quà soto!
Credo a ’na cosa sola: al farabuto
Parchè lo vedo tuto ’l giorno in moto:
E cossa imporla se ’l g’à l’ocio bruto?
E cossa importa se ’l g’à ’l muso roto?
Negri e siori, cristiani e protestanti
E siensiati e ignoranti, no i ghe bada
A farghe tanto de capel davanti
O a tararseghe a brasso par la strada!
Mi che le so ’ste cose, resto solo
E come un puteleto: siòlo! siòlo!
- Note