El zerbinoto
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← La marantega | Edission e fonte ▼ | A un comitato eletoral → |
Core su e zoso un figurin stampela
Col museto de rana,
La riga in mezo e le bandete in suso;
In golarina rossa,
Le braghete pistacio e un capotin
Che no passa el fiancheto balarin.
Rizzandose i barbisi o la moscheta
E sberlefando come una simieta
El va farghe d'ocieto a quela e questa
Più in gringola d'un can vestio da festa.
Ma no se dà spetacolo più belo
Che a vederlo montar la cavalina,
Co 'l va sul Corso a spassizar bel belo,
O a far a Sant’Andrea la trotadina,
E tegnindose al pomo de la sela
La figura el ve fa de Purcinela.
Ma in un momento la Zerlina astuta
Scarta, sbara, s'impena e via de volo;
El cavalier che se la vede bruta
Spasemà se ghe ciapa a brazzacolo,
Insin che tuta alegra la cavala
A son de tromba se lo porta in stala.