El secolo che more!

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
El secolo che more!
1905
←  Soneto acrostico Edission e fonte ▼ Mascare! mascare!  →
[p. 21 modifica]
EL SECOLO CHE MORE!


Xe mezanote! in piaza el campanon
saluda el vecio Sécolo che more,
e tute le disgrazie e le malore
par ch'el fàssa sparir in un canton:
5din don....

Mi, pusà su la piera del balcon,
co 'i oci in çielo fissi e imbambolai,
penso ai zorni che tristi xe passai
e me vedo tornar çento vision:
10din don....

Ricordi beli e bruti in confusion,
ore de zogia e istanti de dolor
me strense e me comove drento el cuor
come una dolçe e tenara passion:
15din don....

[p. 22 modifica]


In strada un vecio e sporco imbriagon,
pusà sul muro, soto d'un feral,
con un far da tenor spiritual,
me sbragia su le recie una canzon:
20din don....

Xe mezanote! in piaza el campanon
saluda el vecio secolo che more:
e tute le disgrazie e le malore
par ch'el fàssa sparir in un canton:
25din don....


31 Deçembre '99