Soneto acrostico
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← La mia gagìa... | Edission e fonte ▼ | El secolo che more! → |
SONETTO ACROSTICO
A «Virginia Reiter»
A «Virginia Reiter»
Vera e sana xe l'arte che al Goldoni1
In ste sere, Virginia, go sentìo:
Ricordo che davanti a quei to ocioni
4Go sempre e co' calor aplaudìo,
I basi... quei capriçi quei struconi
No... no go visto mai co' tanto brio;
I sesti e quei to moti cocoloni
8Ah!... tuto tuto in testa go scolpìo.
Rare, rare ga l'arte cussì fina
E, come ti, xe atriçi de sta sorte:
11In scena ti ti xe la me regina!
Ti xe regina e l'arte tua la sluse,
E la sluse cussì che degna e forte
14Rival ti xe d'Eleonora Duse!!!
- Note a cura de l'autor
- ↑ Teatro de Venezia