Mascare! mascare!
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← El secolo che more! | Edission e fonte ▼ | Sora de un ventolo → |
MASCARE! MASCARE!
- Booooondì, biondon! va là che te conosso! -
- Ciò, mascareta, sporzistu un confeto? -
- No ghe n'ò, no go tempo, ancuo no posso -
4- Arte caja! mo' senti che dialeto! -
- Quanta faaaame, Signori! - Che frescheto!
- Molighe dai... - Ciò, varda che colosso! -
- A remengo, che raza de naseto!
8- La dichi... siora, no la venghi adosso! -
- Quà le stele filanti, sie par diese! -
- Varda, 'mpare, che testa ben trucada;
11e quelo là vestido da marchese?
E quel poeta a spasso?? - Va in malora,
el solo che la gabia indovinada:
14el xe Cucheti!!! - e mi che coro ancora!!! -