El regalo

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
100 percent.svg
Qualità del testo: sto testo el xe stà trascrito e rileto.
El regalo
1857-58
←  La morte aparente Edission e fonte ▼ La gamba rota  →


[p. 11 modifica]
EL REGALO.


Un certo Marco Aurelio Monumento,
     Che fava l'avocato in sta cità,
     Persona de talento,
     El s'à trovà,
     5No sò per che rason
     In qualche obligazion
     Col conte Piero Anibale Sipario,
     Ignorante in un grado sorprendente,
     Ma rico estremamente,
     10Milionario,
     Prerogativa questa,
     Che nei tempi presenti
     La suplisce a la testa,
     Ossia ai talenti,
     15Mostrandone pur tropo l'esperienza,
     Che un aseno signor

[p. 12 modifica]

     Se stima a preferenza
     Del più bravo dotor,
     Del più sapiente,
     20Che no possede gnente,
     E rico de diplomi leterari
     Ze tuto el dì costreto
     Per chiaparse 'l paneto
     A far lunari.
25Volendo Marco Aurelio al conte Piero,
     In un modo sincero
     E delicato
     Cercar de dimostrarghe
     Che 'l ghe ne gera grato,
     30Se pensa regalarghe
     Benissimo ligada
     In do volumi
     Un opera moderna intitolada
     «Progresso dei costumi»
     35E messa soto el brazzo
     Ghe la porta a palazzo,
     Pregandolo a scusar
     E voler acetar
     Benignamente
     40Quel picolo presente.
Ma pronto el conte Piero,
     Dasseno no par vero,
     Per comparir discreto sto pandolo
     Se tien un tomo solo,

[p. 13 modifica]

     45E st'altro ghe lo torna a Monumento
     Col dirghe — me contento
     De un tomo e ghe son grato
     Nè voi privarla afato
     De un'opera che par
     50Sia assae stimada.
     Se s'à da giudicar
     Da la maniera che la ze ligada —
A sto indizio de talento
     Veramente inaspetato
     55Col so tomo Monumento
     Se congeda stupefato.
     Nel'idea de far bordelo
     Su sto caso singolar
     Ghe lo conta a questo a quelo,
     60E fa tanti sganassar;
     Ma qualcuno ghe ne trova
     Cussì scarso de inteleto,
     Che lo tol per una prova
     Quanto el conte è stà discreto.


65Fa conoscer l'anedoto in sostanza
     A che grado che ariva l'ignoranza,
     E come che la razza no ze persa
     De quei che vede tuto a la roversa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_regalo&oldid=46124"