El puttanesmo, quel mestier sì belo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← In frà i mestieri della vita umana | Edission e fonte ▼ | Essendo necessario remediar → |
El puttanesmo, quel mestier sì belo,
Che giera de gran lustro in sta Citae,
Per causa delle Donne maridae
4El xe andà, se puol dir, tutto in flagelo.
No ghè gnanca l'effigie più de quelo,
Le case xe deserte, e abbandonae,
No se trova, che quatrro desperae,
8Che da fame le muor sotto sto Cielo.
Che rovina xe questa! Un poverazzo,
Ch'abbia voggia de dar una chiavada,
11No sà dove in ancuò puzar el Cazzo;
Che, se lù và da qualche maridada,
E che 'l se voggia tior qualche solazzo,
14Le ghe la fà, per Dìo, pagar salada.