El pentimento de la Madalena
|
Edission original: |
Giuseppe Coletti, Poesie postume in vernacolo veneziano, Venezia, Gattinoni, 1889 |
|
Fonte: |
Indice:Coletti - Poesie postume in vernacolo veneziano, Venezia, Gattinoni, 1889.pdf |
| ← Un ragazzo ridicolo per el so vestito | Edission e fonte ▼ | Per nozze Porcia-d'Altan → |
.jpg)
EL PENTIMENTO DE LA MADALENA
SONETTO A RIME DATE
Quela che al bon Maestro i piè ga onto
Venduo da un traditor per un da trenta,
Pentia dei so pecai, facendo el conto,
Che al mal far l'ocasion ne dà la spenta;
La lassa el mondo, che a inganar xe pronto,
E d'acqua la se ciba e de polenta;
Ecola ch'el dolor no la tien sconto,
E la spande de lagreme una Brenta
Sto esempio à convertio Tizia e Filipa,
Perchè la giozza va de copo in copo,
E mile persuade un solo Agripa:
Ma quante Madalene gh'è pur tropo!
Co l'anema più sporca de una tripa,
Che mai le aspeta el petene al so gropo.
.jpg)