El mio Cazzo xe morto, e mi no moro!
El mio Cazzo xe morto, e mi no moro!
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Del mio Cazzo me par sentir la vose | Edission e fonte ▼ | M'arrecordo 'l mio Cazzo poveretto → |
SULLO STESSO ARGOMENTO.
SONETTO
El mio Cazzo xe morto, e mi no moro!
Considerè, che vita xe la mìa,
Uno, ch'a tutte l'ore chiavarìa,
4Averse da privar de quel ristoro!
Un, che stima la Mona più dell'oro,
Che gà per ella tanta simpatia,
Averla da lassar de fuora via,
8E no poder più entrar in quel tesoro!
Sta vita soffrirìa cussì cogiona
Quando, che de seguro mi savesse,
11Che col Cazzo xe morta anca la Mona;
Ma ch'ella viva, e mi gabbia in braghesse
Del Cazzo a picolon quella testona
14De portar sempre! Oh questo me rincresse!