El medico (Giovanni Battista Bada)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.

[p. 416 modifica]

EL MEDICO.


Se trovava in Bassan
     Un omo morbinoso e cortesan
     Che aveva el naso estremamente grando,
     Che a quanti lo vedea
     5Maravegia grandissima el facea.
Un dì, che caminando
     L'andava per cità
     Un dotor l'à incontrà
     A caval d'una mula, che fermada
     10In mezzo de la strada
     No volea caminar
     Per quanto che 'l dotor tentasse far.
     Onde, cussì scherzando,
     Ga dito el morbinoso (recordandose
     15De aver el naso grando)
     Seu vu, dotor, o xe la mula, a caso,
     Che se fazza paura del mio naso?
El dotor gera anch'elo
     De bizzaro cervelo,
     20E risposto imediate el ga cussì:
     Credo infati esser mi
     Quelo che s'à ispaurio,
     Che me sento un prurito in tel da drio.
          L'omo che vol scherzar
          25Anca lu deve el scherzo tolerar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_medico_(Giovanni_Battista_Bada)&oldid=47761"