El granzo e l'ostrega

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
El granzo e l'ostrega
Apologo
XVIII secolo
Edission e fonte ▼

[p. 303 modifica]

EL GRANZO E L'OSTREGA.


Contava un pelegrin,
     Che i abitanti del regno submarin
     Ga anca lori i so ingani
     Come nu altri umani.
     5Per esempio el diseva,
     Che a l'ostrega ghe greva
     De star sempre serada,
     E che no la dà mai na spalancada,
     Ma la fa una sfeseta,
     10E per quela ghe va qualche giozzeta,
     Ma el granzo furbo, che la vol magnar,
     Sta atento, e co la vede un fia a slargar,
     El ghe tra co le branche un bel sasseto,
     E quela el crede giozza; e l'intra neto.
     15Pena che la se acorze la fa un sforzo
     Per serar suso el scorzo,
     Ma fra i do scorzi el sasso à fato presa,
     E ghe resta la sfesa.
     Alora el granzo fica la so branca,
     20El la sforza, el l'averze, el la spalanca;
     E col l'à divorada
     Sul'alega el va a dar 'na spassizzada.
     Recordeve regazze
     Che de sti granzi ghe ne xe gran razze,
     25E che lode, carezze e regaleti
     Xe cosse bele, ma che i xe sasseti.