Il Granchio e l'Ostrica

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Il Granchio e l'Ostrica
XVIII secolo
Edission e fonte ▼
Altra edizion: El granzo e l'ostrega (1845)
[p. 48 modifica]
IL GRANCHIO E L'OSTRICA


Contava un pelegrin,
     Ch'i abitanti del regno submarin
     Ga anca lori i so ingani
     Come nu' altri umani.
     5Per esempio el diseva,
     Che a l'Ostrega ghe greva
     De star sempre serada,
     E che no la dà mai na spalancada,
     Ma la fa una sfeseta
     10E per quela ghe va qualche giozzeta,
     Ma el Granzo furbo, che la vol magnar,
     Sta atento, e co la vede un fià slargar,
     El ghe tra co le branche un bel sasseto,
     E quela el crede giozza; e l'intra neto.
     15Pena che la se acorze, la fa un sforzo
     Per serar suso el scorzo,
     Ma fra i do scorzi el sasso à fato presa;
     E ghe resta la sfesa.

[p. 49 modifica]

     Alora el Granzo fica la so branca,
     20El la sforza, el l'averze, el la spalanca;
     E col l'à divorada
     Su l'alega el va a dar 'na spazzizzada.
     Recordeve regazze
     Che de sti Granzi ghe ne xe gran razze,
     25E che lode, carezze e regaleti
     Xe cosse bele, ma che i xe sasseti.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Il_Granchio_e_l%27Ostrica&oldid=68936"