El giorno dei Morti (Attilio Turco)

by Attilio Turco

3 El giorno dei Morti Sonetti Veronesi Sonetti Veronesi/Parte III - Verona La Croce Verde La spesa Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte III - Verona

El giorno dei Morti

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  La Croce Verde

Edission e fonte ▼

La spesa  →

EL GIORNO DEI MORTI....

I nostri Morti, fioi, jè là che i ’speta
     Che andemo presto a farghe compagnia!
     Ghemo portà dei fiori, ’na croceta
     E ’l lantarnin¹ de la malinconia!...

Semo stadi con Lori mez’oreta,
     Disendo un Requie e qualche Ave Maria;
     Dopo avemo smorzado² la lumeta³
     E, pian pianin, semo vegnudi via.

I nostri Morti jè restadi là,
     Sensa mostrar contento o malcontento...
     Ma un giorno, presto o tardi, vegnarà,

Secondo che vorà Quel-su-de-Sora,⁴
     Che Lori da de là i vegnarà fora,
     Noaltri, invesse, restaremo drento!

---

Note

1. lantarnin ― il lumicino;
2. smorzado ― spento;
3. lumeta ― piccola lanterna;
4. Quel-su-de-Sora ― Domine Dio.