EL GIORNO DEI MORTI....
I nostri Morti, fioi, jè là che i ’speta
Che andemo presto a farghe compagnia!
Ghemo portà dei fiori, ’na croceta
E ’l lantarnin1 de la malinconia!...
Semo stadi con Lori mez’oreta,
Disendo un Requie e qualche Ave Maria;
Dopo avemo smorzado2 la lumeta3
E, pian pianin, semo vegnudi via.
I nostri Morti jè restadi là,
Sensa mostrar contento o malcontento...
Ma un giorno, presto o tardi, vegnarà,
Secondo che vorò Quel-su-de-Sora,4
Che Lori da de là i vegnarà fora,
Noaltri, invesse, restaremo drento!
