La Croce Verde
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← El loto | Edission e fonte ▼ | El giorno dei Morti → |
LA CROCE VERDE
Toh! teh! teh! toh! «Cos’è-la 'sta trombeta?»
Tri zovenoti con ’na baretina
In testa, al brasso un nastro e ’na croceta,
De corsa i fa sgolar1 ’na portantina,
Tuti i se ferma e i varda... la serveta,
El militar, el prete, la sartina:
― Coss'è sta? coss’è nato?... — ’Na vecieta
L'ha fato un colpo in vicolo Calsina —
E intanto i tri, che i core come ’l vento,
I riva là sul posto, e no i se perde...
A l’amalà i ghe fà ’l medicamento,
Po’ i lo trasporta, senza farghe mal,
Co la letiga a casa o a l’Ospedal...
Passa la Carità.... la Croce Verde!
- Note
- ↑ sgolar ― volare.