El Ritrato de Nina

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
XVI. El Ritrato de Nina
1835

 Edission original:   

Marco PescanteSaggio di poesie veneziane, Venezia, dalla tipografia di Luigi Plet, 1835

 Fonte:

Indice:Saggio di poesie veneziane.djvu

←  XV. La Protesta Edission e fonte ▼ XVII. El Primo Amore  →
[p. 70 modifica]
EL RITRATO DE NINA


XVI


Sentì el ritrato de quela Nina,
2Ch'el cuor me bisega la note e el dì.

Se l'è una femena quasi divina,
4Co vorè intendarla, dirè de sì.

Media statura, presenza grave,
6Sembianza amabile, gentil parlar.

Modi tranquili, trato soave,
8Tuta adorabile nel suo portar.

Ma esaminando le so fatezze
10No sò depenzarla come che va:

Chè, ben pesade quele belezze,
12Per mi l'è angelica la so beltà.

Ela ga negri quei so cavèi,
14E negro l'ochio, che parla al cuor.

Ela i tien bassi quei ochi bei
16Co tanta grazia, che sforza amor.

Quanto ala boca, la fronte el naso,
18La xe una formula per un tizian;

Ma quei lavreti merita un baso
20Quando la i verze cussì pian pian!

L'è tuta piena de legiadria
22Quel'aria flebile, che la ga in sè.

[p. 71 modifica]


Per maëstosa fisonomia
24La se rimerita l'amor d'un re.

Più bel profilo mi no lo trovo...
26Come l'è amabile! vardèlo ben:

Provarè tuti quel che mi provo,
28Cento dolcezze lù desta in sen.

Se pò de tinta l'è palideta...
30Ah! sì, anche in questo la spira amor;

Perchè anche palida xe la violeta,
32Ma la violeta xe un gran bel fior.

De quando in quando (sia dito el giusto)
34La ga do rose, che no sta mal;

Ma la par megio, per el mio gusto,
36Co quela ciera sentimental.

La xe una Venere fisicamente,
38Mi per conchiudarla ve dirò qua:

Ma esaminandola po moralmente
40L'è una Dea Palade spuà incarnà.

Eco el Ritrato, ma tuto vero,
42De quela Femena, che adoro mi.

La chiamo Nina, ma per mistero
44Lasso una silaba prima del Ni.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_Ritrato_de_Nina&oldid=41629"