El Primo Amore

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
XVII. El Primo Amore
1835

 Edission original:   

Marco PescanteSaggio di poesie veneziane, Venezia, dalla tipografia di Luigi Plet, 1835

 Fonte:

Indice:Saggio di poesie veneziane.djvu

←  XVI. El Ritrato de Nina Edission e fonte ▼ XVIII. El Sogno  →
[p. 72 modifica]
EL PRIMO AMORE


XVII.


Patria de Totila,1
Cità celeste,
Che a galantomeni,
Che a dône oneste
Degno ricovero
6Ti è sempre stà;

Treviso! ascoltime:
Qua in riva al Sile
La più adorabile,
La più gentile
De le to cocole
12M'à inamorà.

Gran dir! che un'anima
Come la mia,
La più insensibile,
La più restìa
Co quel potegolo
18Del dio d'Amor!

[p. 73 modifica]


Che dai so fulmini
Gnanca una volta
Sta invulnerabile
Gera mai côlta,
Adesso spasima,
24Piagà nel cuor!

Ma chi fra i omeni
No se inamora
Vedendo sorgere
Nel ciel l'aurora
De quela splendida
30Serenità?...

Ah! sì, sta Femena
L'ò vista un zorno,
E m'è andà subito
La testa atorno,
Son restà in còtego,
36Tuto inzucà!

Per ela palpito
Da quel momento,
Per ela spasemo,
Per ela sento
Che senza vèderla
42No stago ben.

Vivo qua a Padova
Da dissoluto,
Ma ala mia Cocola
Penso per tuto,
E un fià pensandoghe
48Me tegno in fren.

L'à sul mio spirito
Tanta influenza,

[p. 74 modifica]

Tanto me domina
La so presenza,
Quel'incantesimo
54Quel no so che...

Che imaginandome
Fra mi un pocheto
Quel'ochio languido,
Quel bel viseto...
Ah!... me par d'essere
60Davanti a un re.

Me par de avermela
Proprio presente,
Me par de vèderla...
D'averla a rente
Nela dolc'estasi
66Del mio pensier!...

E susurandone
Per la mia testa
Mile idee fervide
Come in gran festa,
Devento un bambolo
72Senza voler.

Oh! figuremose,
Mii cari amici
Se no m'imbalsemo
Nei dì felici
Co posso godarme
78Sta visual!

No so descrivarve
Quei mii contenti...
Che beatitudine!...
Che bei momenti!...

[p. 75 modifica]

Mi me desmentego
84D'esser mortal.

Si! me desmentego
D' aver trent'ani
Sin dal mio nascere.
Passà in afani,
Co un cuor sensibile,
90Ma senza amor.

Eco, el se vendica
Sto amor, più forte
De mi medesimo...
Ma ala mia sorte
De dirghe barbara
96No go più cuor:

Perchè vedendote,
Mia cara Nina
Creatura amabile...
Quasi divina,
Me par nei spasimi
102De respirar.

E Amor, mostrandome
Le so caene,
Me dise — ah! credilo,
Per le to pene
No ghe xe farmaco
108Più salutar.

Treviso, aspetame,
No starò tanto
Lontan dal'unico
Mio dolce incanto,
Che me fa ridare
114D'ogni dolor.

[p. 76 modifica]


(Dover teribile!)
Per mesi ancora
Senza la Cocola,
Che m'inamora,
Sarà in disordine
120Sto primo amor!



Note a cura de l'autor
  1. Totila Re de' Goti Trivigiano, che si distinse nel valore e nella clemenza.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_Primo_Amore&oldid=41624"