El Congresso per la pace
|
Edission original: |
Giovanni Mazier, Passatempi de Tasi Nane, Venezia, Fratelli Visentini, 1894 |
|
Fonte: |
Indice:Mazier - Passatempi de Tasi Nane, Venezia, Visentini, 1894.pdf |
| ← Le çelebrità del zorno | Edission e fonte ▼ | La Libertà → |
Da bravi popoli
Fora l'olivo
Se pase predico
Go el mio motivo
A Londra in Belgio
Per tuto el mondo
Pase i desidera
I à studià a fondo
Question dificili
I ga risolte
A controversie
Sarà i gà porte.
I diplomatici
Ancudo à finio
Xe la politica
Sterco da rio
Le inimicizie
Ogni question
Che avesse a sorger
Fra le Nazion
Ghe xe l'oracolo
Ossia Congresso
Che le risolve
Proprio l'istesso,
Come col metodo
D'infami guere
Che sol distruge
Le nostre tere
Che co' teribili
Arme crudeli
Distruge i omeni
Fin i fradeli.
Sol co' la logica
Ogni question
Sarà risolta
Da le Nazion.
No ghe più triplice
Nota aleanza,
No ghe potenza
Più che se avanza
Italia Francia
Russia Germania
Più de combaterse
Gavarà smania
Alegri popoli
D'Austria e Turchia
E vualtri ancora
De Rumania.
Co' luce eletrica
Ga sto Congresso
Mostrà po' a tuti
Che col progresso
Fin l'impossibile
Se sa otegnir
Perchè l'esercito
Abia a sparir
Perchè le solite
Spese de guera
Le vada al diambarne
Perchè se spera
Ne l'imancabile
Lieto avenir,
Perchè i dolori
Gabia a finir.
Impadronimose
De sto sistema
Da bravi popoli
Nessuna tema
Bravo bravissimo
Questo Congresso
Che pase al mondo
Ancuo ga messo
Da bravi popoli
Fora l'olivo
Se pase predico
Go el mio motivo.