Le çelebrità del zorno

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Giovanni Mazier

La çelebrità del zorno

1894

Edission original:	Giovanni Mazier, Passatempi de Tasi Nane, Venezia, Fratelli Visentini, 1894
Fonte:	Indice:Mazier - Passatempi de Tasi Nane, Venezia, Visentini, 1894.pdf

Edission e fonte ▼

[p. 13 modifica]

Le çelebrità del zorno

Spandè pur ciacole
     Ai quatro venti,
     Coragio zoveni
     Sarè contenti.
5L’onor primissimo
     A bon mercà
     In modo elastico
     Ve sarà dà,
Pel vostro merito
     10Pel vostro inzegno
     In modo facile
     Portarè segno,
Che ancùo el caratere
     No conta gnente,
     15Basta d’intenderse
     Co’ certa zente.
Scrivè spropositi
     Ben combinai,
     Opere igieniche,
     20Scriti robai,
Tuto credemelo
     Passa in ancùo
     Che se xe çelebri
     Per un stranùo.

25Se l’astro massimo
     Per vualtri splende,
     Segno infalibile
     Che gh'è chi intende
Quanto in altissimi
     30S’à propagà,
     Per dir schietissimi
     Avè inventà.
I Geni classici
     Sol per trastulo
     35Xe stadi çelebri
     Avendo culo;
Ma vualtri omeni
     De la zornada
     Deventè çelebri
     40Per 'na cagada.
Fe' scriver subito
     Su pei giornai...
     Pochi centesimi
     Li avè comprai
45Che l’infalibile
     Sistema certo
     Per farse çelebri
     Gavè scoverto.

Spandè pur ciacole
     50Ai quatro venti
     Coragio zoveni
     Sarè contenti.