Diagnosi diferenzial
|
Edission original: |
Umberto Spanio, Un toco de vita veneziana, Poesie in dialeto de Grilo, Venezia, Tipografia Antonelli, 1890 |
|
Fonte: |
Indice:Un toco de vita veneziana, Venezia, Antonelli, 1890.pdf |
| ← Aniversario | Edission e fonte ▼ | Barometro → |
Senti sta qua, che proprio la xe bela —
Cossa xe sta? — Ti sa, siora Costanza? —
Quela sposina bionda? — Proprio quela! —
E ben? — Ciò, la ga avudo mal in panza.
La xe sta mal assae; ma bagatela! —
Gali fato consulto? — Eh ghe n'avanza:
Chi ga dito che gera la buela
Amalada, chi invece gravidanza.
La s'aveva ridoto, ciò, 'na spiera;
Chi diseva una tisi.... — Te lo giuro
Che i xe aseni tuti — E in che maniera!
Uno ga dito dropisia sicuro;
E sastu invece po cossa che gera?
Indovina mo? — Un cancro? — Un stronzo duro! —