Barometro
|
Edission original: |
Umberto Spanio, Un toco de vita veneziana, Poesie in dialeto de Grilo, Venezia, Tipografia Antonelli, 1890 |
|
Fonte: |
Indice:Un toco de vita veneziana, Venezia, Antonelli, 1890.pdf |
| ← Diagnosi diferenzial | Edission e fonte ▼ | Una barufa fra barcarioi → |
Sentelo sto sciroco? — Un fià de bava
no ghe xe proprio che xe çinque dì —
Mi so vegnudo qua perchè sperava
de respirar; ma cossa! — E istesso mi;
El varda, proprio adesso lo pensava
che avanti no se pol andar cussì;
Geri s’à nuvolà, po tonisava;
Ma se ga sfantà tuto e sćiao bondì —
No se sta ben che in acqua — E co 'l vien fora,
Pezo de prima! El diga, se no sbala
Sto sofego, me vien za 'na malora —
Ah, ma no 'l dura; el vedarà ch’el cala —
Che Dio fassa! — Mi go indovinà ancora;
Go 'l calo che me dol: quelo no fala! —