De di in di, von muando el viso, el pelo
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Pien d'un vecchio pensier, che me desvia | Edission e fonte ▼ | E ho pianzesto, adesso canto, e ballo → |
De di in di, von muando el viso, el pelo,
E pur m'incozzo ai amorosi hami;
Ni me desbrazzo da quei verdi rami,
4Si morte no me desse d'un quarelo.
Sarà 'l mar suto e senza stelle 'l ciello,
E i monti se farà in piu rotami.
E nascerà da niovo do altri Adami.
8Che mai dai occhi lieva el caro velo.
Fagame la Fortuna mille inzurie,
Che starò sempre saldo in tun preposito,
11Quant'un diamante, o un superbo ancuzene.
E si ben tal fiae suspiri gomito;
Per questo el cuor si no deventa ruzene,
14Ni mai me destorrà Pluto, o le Furie.