Pagina:Rime pescatorie.djvu/22

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Pien d'un vecchio pensier, che me desvia
    Da le persone, e me fa andar mi solo,
    Mesurando da l'un, e l'altro polo,
    4Col cervelo, quant'è longa la via.
Oime che son cargao de zelosia,
    E a torno 'l cuor ghe un superbo folo,
    Che la mia donna si l'ha tolt'a nolo,
    8Per far piu fiamma in la mia fantasia.
Che sarà può, cho sarò brustolao,
    E desteso per morto in caeletto?
    11So vergogna, e mio danno in veritae,
So ben che la dirà, o poveretto,
    El m'agrieva, el me duol, me fa peccao;
    14Ma tardi l'aqua, a le case brusae.


De di in di, von muando el viso, el pelo,
    E pur m'incozzo ai amorosi hami;
    Ni me desbrazzo da quei verdi rami,
    4Si morte no me desse d'un quarelo.
Sarà 'l mar suto e senza stelle 'l ciello,
    E i monti se farà in piu rotami.
    E nascerà da niovo do altri Adami.
    8Che mai dai occhi lieva el caro velo.
Fagame la Fortuna mille inzurie,
    Che starò sempre saldo in tun preposito,
    11Quant'un diamante, o un superbo ancuzene.
E si ben tal fiae suspiri gomito;
    Per questo el cuor si no deventa ruzene,
    14Ni mai me destorrà Pluto, o le Furie.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/22&oldid=64913"