De Platon la dottrina giera questa

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 108 modifica]
SORA L'INEGUAGLIANZA DELL'ANEME.


SONETTO


De Platon la dottrina giera questa,
    Che l'aneme no fusse tutte eguali,
    Ma quelle sole sarìa stà immortali,
    4Che giera dei filosofi in la testa.

El diseva, che chi fà sempre festa,
    Che no pensa, che a cose materiali,
    Che queste muor come, che fà i coccali,
    8E in le cose, ch'i pensa, ancora i resta.

Se sta bella opinion la fusse vera,
    Come che mi no penso, che alla Dona,
    11E che per ella vivo volintiera,

Vede la conseguenza ogni persona,
    Che se in Mona starìa mattina, e sera,
    14Co sarò morto resterò 'na Mona.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=De_Platon_la_dottrina_giera_questa&oldid=45457"