Dai pulpiti se sente una gran ose

by Giorgio Baffo

3 Dai pulpiti se sente una gran ose Raccolta universale delle opere di Giorgio Baffo Tomo III Me domandè cosa doveva far Voleu, che 'l Cazzo Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Dai pulpiti se sente una gran ose

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Me domandè cosa doveva far

Edission e fonte ▼

Voleu, che 'l Cazzo  →

LA PREDICA STIMOLA A PIÙ FOTTER.

SONETTO

Dai pulpiti se sente una gran ose
    A predicar, che tutti hà da morir,
    Che, chi hà bù prencipio, hà da fenir,
    4Che bisogna, che mora ancora 'l Dose,

Che i Papi, i Re gà da portar la crose,
    E in polvere i se gà da convertir,
    Che gnessun sà, co l'abbia da vegnir,
    8Ch'ognun pensi a disponer delle cose.

I predica la morte sti Fratoni,
    Perchè s'abbia le Donne da lassar,
    11Ma, s'i crede sta cosa, i xe cogioni;

Ch'anzi, perchè la morte hà d'arrivar,
    E che la suol vegnir, come i ladroni,
    14Giusto per questo voggio più chiavar.