Da rabiado
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← La busarada | Edission e fonte ▼ | Struconi al cor → |
DA RABIADO
Quando che me vedì, che son rabiado,
No so più gnanca mi quel che me fassa....
El formaio lo togo par salado,
La conserva la togo par potassa.
E ruso come el tempo imusonado;
Se qualchedun me parla, o ’l me strapassa,1
Mi no rispondo... no ghe dago bado!
E resto li co la me testa bassa...
E co la testa bassa giro in volta,
No so, se vaga storto, o vaga drito...
Parlo, no ghè gnessuno che me ’scolta,
Perdo la testa... che ghe l’ò straolta....
Perdo la volontà de far pulito,
Quel che no perdo mai, l'è... l'apetito!
- Note
- ↑ strapassa - rimprovera