Struconi al cor

by Attilio Turco

3 Struconi al cor Sonetti Veronesi Sonetti Veronesi/Parte I - Gli autor...e...voli Da rabiado Compleano Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte I - Gli autor...e...voli

Struconi al cor

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Da rabiado

Edission e fonte ▼

Compleano  →

STRUCONI AL COR!

Quando sento un putin tirar la boca,¹
     Butà par tera in strada o rento in casa,
     No posso dirve quanto me despiasa!
     Lo ciapo² in brasso e guai ci me lo toca!

Ghe dao³ ’na caramela e, se l’è poca,
     Ghe zonto⁴ un bel confeto, parchè ’l tasa,
     Du, parchè ’l rida, tri, parchè ’l me basa
     Su ’na ganassa⁵ co ’n bason⁶ che s-cioca!

E ghe domando: dime, cossa gheto?
     Cosa t'hai fato, contemelo a mi;
     È-la sta ’na putina o ’n puteleto?

No ’sta pianzar, và là, come te si!
     Ciapa, le dago ’n’altro bel confeto,
     Più tardi, fiol, te pianzarè cosi!

---

Note

1. tirar la boca - piangere;
2. ciapo - prendo;
3. dao - do;
4. zonto - aggiungo;
5. ganassa - guancia;
6. bason - bacione.