Cosa, che pagherave d'esser mì

by Giorgio Baffo

3 Cosa, che pagherave d'esser mì Raccolta universale delle opere di Giorgio Baffo Tomo III Donca la mia Morosa xe novizza! Cosa hoggio mai da far più quà a sto Mondo Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Cosa, che pagherave d'esser mì

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Donca la mia Morosa xe novizza!

Edission e fonte ▼

Cosa hoggio mai da far più quà a sto Mondo  →

SULLO STESSO ARGOMENTO.

SONETTO

Cosa, che pagherave d'esser mì
    El novizzo de quella, che me piase,
    Che me la chiavarìa in santa pase
    4Tutta quanta la notte, e tutto el dì.

Sarave ben contento allora sì
    Veder, che la stà salda, e che la tase,
    E che a farse toccar no ghe despiase,
    8Nè a tiorlo drento sin, che la puol pì;

Che gran gusto averìa, se in quel so vaso,
    Che gò tanto liccà de fora vìa,
    11Mi ghe podesse alfin metter el naso!

Ve zuro, per la Verzene Marìa,
    Che, se pò succedesse mai sto caso,
    14Al Re de Franza ghe n'incagherìa.