Cor de putela

by Giovanni Ceriotto

3 Cor de putela Poesie veronesi La rosta Canson de montanina Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

Cor de putela

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  La rosta

Edission e fonte ▼

Canson de montanina  →

Cor de putela

     L'è un zugatolo, fioi, che 'l costa caro,
che 'l g'à tante maniere de zugar!
L'è soto a un sen, ve 'l digo mi, un avaro,
che par poco no 'l ve lo vol lassar.

     Un bombonsin, che par bontà l'è raro;
un pan de oro che 'l se fa pagar;
ancò l'è coto mal, l'è un poco amaro,
doman l'è dolse e se lo pol tastar.

     Se ve strussiè¹ par farghe un giuramento,
con do righe tacade a un sospiron,
stè sicuri... i è strussie che va al vento!

     Se ghe mandè regai sora regai,
falo da posta² o falo anca dal bon,³
l'è un coresin che no se rabia mai!

---

Note

1. strussiè: affaticate
2. da posta: per ischerzo
3. dal bon: seriamente