Pagina:Poesie veronesi (Giovanni Ceriotto).djvu/34

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Cor de putela


     L'è un zugatolo, fioi, che 'l costa caro,
che 'l g'à tante maniere de zugar!
L'è soto a un sen, ve 'l digo mi, un avaro,
che par poco no 'l ve lo vol lassar.

     Un bombonsin, che par bontà l'è raro;
un pan de oro che 'l se fa pagar;
ancò l'è coto mal, l'è un poco amaro,
doman l'è dolse e se lo pol tastar.

     Se ve strussiè1 par farghe un giuramento,
con do righe tacade a un sospiron,
stè sicuri... i è strussie che va al vento!

     Se ghe mandè regai sora regai,
falo da posta2 o falo anca dal bon,3
l'è un coresin che no se rabia mai!

  1. strussiè: affaticate
  2. da posta: per ischerzo
  3. dal bon: seriamente