Canson de montanina
|
Edission original: |
Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911 |
|
Fonte: |
| ← Cor de putela | Edission e fonte ▼ | Fiori d'inverno → |
Da 'na casa che se sconde,
che ogni tanto fa baeto,
fuma a pian un camineto
4par paura de strussiar.1
e 'na cesa2 mal vestida
co 'na croce su la testa,
co i pensieri che ghe resta
8la se seita rosegar.
L'è matina e su sto monte
sento in giro un'aria sana,
con de i boti3 de campana
12che me manda un campanil.
Sul sentier gh'è 'na madona,
dove brusa intabarada
'na lanterna infrusinada
16che no va par el sutil.
Drio do mi tra qualche foia
gh'è 'na passara che canta,
che s'a messo su 'na pianta
20par contarme el so parer;
e sul monte come un sogno,
drio le rane che se nina,
'na canson de montanina
24se destaca da un sentier.
O canson de montanina,
o canson sensa fastidi,
che de i campi te te fidi,
28che nissun te vien fermar;
o canson che sgola al vento,
fin che 'l sol te da la rima,
i pensieri che me lima
32te mi fe desmentegar!
Mi te scolto soto a l'ombra
de un morar4 tuto vestido,
dove forsi in qualche nido
36'na fameia se vol ben.
Ma un pensier che no me lassa
el me porta fra 'na stela,
fra i cavei de 'na putela
40che i ghe casca sora al sen!
- Note