Chi hà strapazzà sto letto, e chi la testa

by Giorgio Baffo

3 Chi hà strapazzà sto letto, e chi la testa Raccolta universale delle opere di Giorgio Baffo Tomo III E chi questo agitò spergiuro letto? Chi è stà colù, che hà strapazzà quel letto? Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Chi hà strapazzà sto letto, e chi la testa

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  E chi questo agitò spergiuro letto?

Edission e fonte ▼

Chi è stà colù, che hà strapazzà quel letto?  →

TRADUZION DELL'AUTOR.

SONETTO

Chi hà strapazzà sto letto, e chi la testa
    T'hà sgrendena cussì? Che maledette
    Man buzarone t'hà palpà le tette?
    4Chi t'hà dà de basazzi una tempesta?

Varda, Amor, con che cuor la disonesta
    Nega d'aver tirà sù le carpette,
    Ma mi farò le toe, le mie vendette,
    8E a sto gallozzo tagierò la cresta.

Ma sentila a negar pronta i so fali,
    E no la sà sta gran buzaradona,
    11Che parla dei so occhj i caramali.

Via, descoverzi, Amor, sta indegna Dona,
    Zà le macchie del sugo dei Cotali
    14Fà ben veder, che la l'hà tiolto in Mona.