Che Berta filava (1817)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 91 modifica]
VI. CANZONETTA


Che Berta filava
     El tempo è passà.
     Nineta, t'amava,
     4Che ben ti lo sa.
Mia sola ti geri
     Sovrana del cuor,
     E voti sinceri
     8Te ofriva de amor.
Ma mai ti à volesto
     L'oferta gradir
     D'un cuor fido e onesto,
     12Nè afeto sentir.
Repulse e disprezzi
     Mi aveva da tì.
     Adesso i to' vezzi
     16Fa fiasco con mi.
Felice e contento
     Adesso mi son;
     Per tì più no sento
     20Nessuna passion.
Ti è cara, ti è bela,
     Nol posso negar,
     Ma più no ti è quela
     24Da farme inzucar.

[p. 92 modifica]

Confesso, che amiro
     Quel vago visin,
     Ma più no sospiro
     28De starte vicin.
Cupido m'aveva
     Ferìo col so stral,
     Ma po' che me greva
     32De lu sarìa mal;
Vedendote tropo
     Tirana co mì,
     Savesto l'à dopo
     36Ferir anca tì;
E mentre ferìo
     L'à aponto el to cuor,
     Mai più no ò sentio
     40Nel sen del brusor.
Adesso son duro,
     Ressisto a ogni stral;
     Ò el peto ch'è un muro
     44D'un antemural.
I vezzi, mia Nina,
     L'ochiae, l'espression,
     Sparagna, carina;
     48Per ti più no son.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Che_Berta_filava_(1817)&oldid=69020"