Care viscere mie, quando che ti

by Giorgio Baffo

3 Care viscere mie, quando che ti Giorgio Baffo XVIII

Soneti

Giorgio Baffo

Care viscere mie, quando che ti

XVIII secolo

Edission original:	Giorgio Baffo, Poesie. A cura di Piero Del Negro. Mondadori, 1991
Fonte:	Testo cartaceo

Edission e fonte ▼

Care viscere mie, quando che ti
movi così vezzosi quei do occhietti,
me sento desmissiar tutti i affetti
4in maniera che, oh Dio!, no posso pi.

Ma sempre, anema mia, sempre cussì
per riguardi del mondo maledetti
tegnerò con gran fame i denti stretti
8a tola tonda dopo mezzodì?

Signor, se Sant’Antonio nel deserto
avesse visto un sì leggiadro viso,
11e quel bocchin col ride mezzo averto,

o che lu saria morto all’improvviso
o, messi tutti li organi in sconcerto
14sul culo oh se pettava el Paradiso!