Brindisi a Giuseppina Fabrè

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Brindisi a Giuseppina Fabrè
Edission e fonte ▼
[p. 72 modifica]
BRINDISI

A GIUSEPPINA FABRÈ

CELEBRE VIRTUOSA DI CANTO

FINGENDO IL POETA D'IMPROVISARE


E pur me sento in gringola,
     Me sento el sangue in moto!
     Pipina fa miracoli
     Con quel so bel musoto!
Improvisar un zovene
     Pol ben sera e matina
     Se un pochetin lo stuzzega
     El muso de Pipina;
Ma, oh Dio, co le Quareseme
     Che porto su la schena,
     L'è far assae de moverme
     Qua su do pie la vena!
Poeta estemporaneo
     Apolo no m'à fato;
     Ghe vol per sti miracoli,
     Ghe vol un muso mato.
Zito, che vegno al merito;
     Ascoltime con flema,

[p. 73 modifica]

     Che za sarò laconico,
     Benchè me piasa el tema.
Da quele forme angeliche,
     Pipina, che grazieta
     Co ti le sfogi al publico
     Vestìa da Polacheta!
Che ton co' in manto regio
     Duchessa de Spoleto,
     Gran cosse in cuor ti maseni
     Piena del to sogeto!
Che vose! che bel metodo!
     Che verità de canto!
     Senza quei geroglifici
     Vero de l'arte impianto!
No vogio co i to' emoli
     No vogio far confronto;
     So che ti xe un prodigio,
     So che ogni cuor xe ponto;
So che le Muse vechie,
     Che pur xe fie de Giove,
     Per farme estemporaneo
     No basta in tute nove;
So che sta grazia insolita
     La devo a ti, carina,
     So che per Musa decima
     Onoro ancuo Pipina.