Benefacere in laetitia
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← Ah Venezia! | Edission e fonte ▼ | Campane! → |
al Teatro Sociale de Treviso
Mo' brave ste signore, mo' brave ste matrone,
ste tose tuto spirito, ste tose cocolone,
mo' bravi sti eleganti e lustri cavalieri,
e sti vecieti amabili.... la zoventù de jeri:
5tute e tuti ve amiro dasseno in verità
d'aver co' tanto slancio l'invito vu açetà.
De sto suçesso storico el nostro Comitato,
in recia ve lo digo, xe proprio sodisfato;
sodisfato nel vedar che tuto quel ch'el fa
10da la zente de cuor co' zogia xe aprovà,
sodisfato nel vedar che a sto pietoso apelo
ga risposto sta sera tanto publico belo;
e più che sodisfato (passando al material)
nel vedar de francheti la piova original.
15Ma chi che ve ringrazia forse, forse più ancora
cussì.... col cuor in man, xe quei che la malora
ga fato povareti, che siga e che se lagna,
che adesso sente el fredo, che pianze e che no magna;
queli, queli se çerti, sicuri che stasera
20dal çielo i ve desidera una fortuna intiera.
Dunque amabile publico, çerto, cussì la xe:
fora carte da çento, mai tropo donarè;
e vu mascare alegre e domini eleganti,
lustrissimi in paruca co' aneli e co' brilanti;
25e vu pierrettes amabili, pagiassi infarinai
e dame spiritose dai zendà ricamai,
zò balè, divertive, sié mascare de brio,
ch'el Carneval, purtropo, fra zorni xe finio.
De onor al Comitato, fa' lori ghe n'è pochi,
30per la benefiçenza i se farave a tochi;
e deghe drento dunque, meteve in alegria
butè da parte i mali e la malinconia.
El povaro poeta da vu sol questo el vol:
che abandonè el "Sociale" co' ghe sarà za el sol!!
Carneval '903