Ah Venezia!
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← La protesta sul divorzio | Edission e fonte ▼ | Benefacere in laetitia → |
AH VENEZIA!
Ah Venezia, belezza indefinia,
anca de inverno incantatriçe e maga,
al mondo non ghe xe chi che te paga,
4e no possa provar la to malia.
Cocolona ti xe, Venezia mia,
le to calete a bissa le m' imaga,
e no capisse come che se staga
8senza intiera mirar la to' poesia.
Più che vivo co' ti più ghe ne imparo,
a posta ti xe fata a far pecar:
11ti ga fin i ferai... che no fa ciaro!
E in sta stagion de inverno benedeto,
col vento se ghe zonta a rufianar
14insin el fredo... che ve cassa in leto!