Ascolto pur, e no aldo novella,
De quella cara, e dolce mia nemiga;
Ni so che far, nianche so che me diga, 4Chel cuor teme, e speranza s'il pontella.
Ghe voio ben, e sia mo brutta, o bella,
Pezzo che una Gabrina, o qualche striga,
E fin che vivo, la sarà mia amiga 8Destinada dal Ciel e d'ogni stella,
Perche no se comuove a passion,
Qualche mio amigo, e far che la se placha. 11Che l'è mercede, aidar un tribulao.
Von a la becharia, come una vacha,
Tanto Cupido me tien infrezzao, 14Perchel cognosse, che son troppo bon.
