Pagina:Rime pescatorie.djvu/11

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Si credesse per morte insir de pene,
     Col mio bizzaccho restaria amazao,
     O ingropando la becha strangolao;
     4Ho ponto à una a una, le mie vene.
Overamente battuo con tre caene;
     Tanto che m'haveria desnombolao,
     O in t'un canal me sarave negao,
     8O impio de piombo le recchie ben piene.
Ma el dolor, che ho si furibondo,
     Causao d'Amor, pien de mille diavoli,
     11Me durerà fina in l'altro mondo.
El remedio sarave, a varir presto,
     Far do agui, in un tratto, in una calda,
     14Zoe, che Madonna, e mi fesse del resto.


Ascolto pur, e no aldo novella,
     De quella cara, e dolce mia nemiga;
     Ni so che far, nianche so che me diga,
     4Chel cuor teme, e speranza s'il pontella.
Ghe voio ben, e sia mo brutta, o bella,
     Pezzo che una Gabrina, o qualche striga,
     E fin che vivo, la sarà mia amiga
     8Destinada dal Ciel e d'ogni stella,
Perche no se comuove a passion,
     Qualche mio amigo, e far che la se placha.
     11Che l'è mercede, aidar un tribulao.
Von a la becharia, come una vacha,
     Tanto Cupido me tien infrezzao,
     14Perchel cognosse, che son troppo bon.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/11&oldid=64902"