A che far me diseu, che son paron
1789
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
Fonte: |
Indice:Raccolta universale delle opere di Giorgio Baffo 1.djvu |
← Ghe xe qualcun, che loda | Edission e fonte ▼ | Sora la bocca della mia diletta → |
A che far me diseu, che son paron;
Che sto cuor, che sto corpo è tutto mio,
Che son el vostro amante, el vostro zio,
4E pò me neghè 'l Cul, che xe 'l più bon!
Diseme in grazia, chi ve fasse un don
D'un superbo palazzo, e ben fornìo,
E che volesse el cagaor in drìo,
8Ve par, che stasse ben sta donazion?
Per vostra cortesìa, per vostro amor,
Vù me donè sto corpo, ch'è 'l palazzo;
11E no hò d'esser paron del cagaor?
Voi farve un'obblazion da visdecazzo;
Tiolè 'l palazzo in drìo, e per favor
14Lasseme 'l cagaor senz'altro impazzo.