Sora la bocca della mia diletta
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← A che far me diseu, che son paron | Edission e fonte ▼ | Sentì cosa vorrìa, cara parona → |
Sora la bocca della mia diletta
Ho visto Amor che 'l giera là puzà,
Mi per chiapparlo subito so' andà,
4E lù xe corso in cima d'una Tetta.
El voleva chiappar per un'aletta,
Ma dalle Tette ai pìe lù xe svolà,
E quando per cuccarlo m'hò sbassà,
8L'hà tratto un salto sulla gamba dretta;
L'è andà al zenocchio, e mi ghe so' andà drio,
E lù s'hà retirà sempre più in suso
11Per volerse cazzar in tel so Nìo.
Mi co hò visto, che 'l giera ansà, e confuso,
E dal svolar quà, e là stracco, e sbasìo
14Son andà avanti, e l'ho chiappà in tel buso.